Puigdemont e Aragonés lánzanlle dardos a Salvador Illa pola súa dependencia de Madrid
Puigdemont e Aragonés lánzanlle dardos a Salvador Illa pola súa dependencia de Madrid
O candidato de Junts+ dixo que Illa foi recibir instrucións do Comité Federal do PSOE
Aragonès alerta sobre unha hipotética investidura do socialista coa participación do PP
Carles Puigdemont incide nos ataques a Salvador Illa, que ocupa un destacado primeiro lugar nas enquisas. En concreto, repróchalle que estea demasiado pendente de Madrid e das instrucións do PSOE.
"A nós non nos fai falta ir a Madrid nin recibir instrucións nin recibir enxaboaduras como hoxe está facendo a estas horas o candidato socialista á presidencia da Generalitat, que preferiu ir ao Consello Federal do PSOE recibir instrucións en vez de explicarlles aos cataláns a súa proposta para Cataluña".
O candidato de ERC, Pere Aragonés, tamén tenta sacar tallada dese vínculo de Illa con Madrid. Ademais, expresa o temor a que logre os votos do PP para a investidura como sucedeu con Jaume Collboni, alcalde socialista de Barcelona.
"Salvador Illa dicíanos, como dicía Jaume Collboni hai un ano, que non aceptaría os votos do Partido Popular para ser presidente. Polos seus feitos coñecerédelos; polo tanto, habemos facer que iso non sexa posible".
