Queixas pola cada vez maior presenza de xabarís na cidade de Lugo
Queixas pola cada vez maior presenza de xabarís na cidade de Lugo
Cruzan as estradas e fozan nos prados e nas rotondas de acceso, co conseguinte perigo
A presenza cada vez máis abundante de xabarís suscita queixas entre a veciñanza do sur da cidade de Lugo. San Fiz, Bosende ou A Tolda de Castela son algunhas das zonas máis afectadas, onde os porcos bravos provocaron diversos danos.
Tanto nas rotondas de acceso á cidade como nas beiras do paseo do Rato, os xabarís deixan acotío a terra fozada. Ademais, estes animais salvaxes adoitan cruzar a estrada N-VI, co conseguinte risco para os usuarios.
Ante os danos que provocan nos terreos e o perigo que supoñen, os residentes nas zonas afectadas reclaman un maior control da poboación de xabarís.
A rotura dun pastor eléctrico que deixou uns cabalos ceibos foi un dos últimos incidentes atribuídos aos porcos bravos.
