Reclaman apoio para restaurar o conxunto histórico do Convento, en Chantada

Nada mellor que a música clásica para xuntar a sociedade chantadina e reivindicar unha actuación urxente nesta igrexa de San Salvador de Asma.  E tamén do mosteiro anexo. O Convento, como se coñece na vila, é un ben de interese cultural que data do século X.

Está en mans privadas, e por iso os veciños cren que a mellor solución sería que as administracións públicas se poñan de acordo para a súa compra e a posterior rehabilitación. Os chantadinos din que é todo un símbolo da vila que deben manter vivo.