Redúcense as marxes de erro dos radares móbiles e fixos

O exceso de velocidade é a terceira causa máis frecuente de accidente de tráfico. A DTX está desde este mes de xuño a afinar as marxes de erro reducindo as porcentaxes do 7 % ao 5 % nos radares móbiles e do 5 % ao 3 % nos fixos, algo que inicialmente en circunstancias idénticas implicaría unha suba das sancións.

No quilómetro 9 da A-55 en Mos está o radar que máis multas xera de Galicia con 40.700 sancións o ano pasado. Aquí a marxe de erro vaise reducir do 5 % ao 3 %, polo que se circulamos a 63, poderiamos recibir unha sanción.

Os condutores recoñecen a importancia das velocidades, pero tamén consideran que o problema non cesará con máis restricións e sancións.