Cargando resultados...
Rescatan en Pontedeume os cinco tripulantes dun barco que encallou en punta Lousada
Rescatan en Pontedeume os cinco tripulantes dun barco que encallou en punta Lousada
Puideron saír coa axuda doutras embarcacións que estaban pola zona e Salvamento remolcou o barco ata o porto de Sada pero afundiuse antes de entrar
G24.gal
25/06/2023 20:52
Última actualización 25/06/2023 21:59
Rescate esta tarde en Pontedeume, preto da praia de Ber, na zona coñecida como punta Lousada. A embarcación bateu contra as rochas e quedou encallada.
Os seus cinco tripulantes foron rescatados rapidamente por outras embarcacións que había no lugar. Salvamento Marítimo encargouse despois de remolcar o barco cara ao porto de Sada, pero as vías de auga que tiña, complicaron a operación e o barco finalmente afundiuse antes de entrar no porto.
