Rueda na casa de España en Río de Xaneiro: "É un segundo fogar para moitos galegos"

O presidente da Xunta, Alfonso Rueda, visitou este venres a Casa de España en Río de Xaneiro, á que definiu como "un segundo fogar para moitos galegos emigrados e descendentes".

Neste sentido, tal e como destacou o Goberno galego nunha nota de prensa, agradeceu o seu "compromiso coa preservación das raíces culturais e sociais da comunidade".

Durante a visita, Rueda fixo entrega de senllas placas conmemorativas tanto á Casa de España como á Asociación Recreo dos Anciáns de Río de Xaneiro, en recoñecemento "ao seu incansable labor".