Rueda remata a viaxe por América Latina: "Merece a pena apostar por Galicia"

Alfonso Rueda regresa a Galicia logo dunha viaxe de cinco días a Panamá, Venezuela e México. Por unha banda quería recoñecer a contribución dos galegos do exterior ao progreso do noso país e por outra presentarlles a estratexia da Xunta para facilitarlles o retorno.

No plano económico, o presidente da Xunta destaca a xuntanza co presidente panameño, co que se abriron vías de intercambio con Panamá. Tamén está satisfeito coa xuntanza que mantivo cos empresarios mexicanos para atraer investimentos cara a Galicia.