Rusia anuncia a suspensión da subministración de gas á veciña Letonia

Moscova anuncia a suspensión da subministración de gas á veciña Letonia. Nun escueto comunicado, o consorcio gasístico ruso Gazprom asegura que corta o aprovisionamento pola "violación das condicións" do contrato.

Letonia e outras dúas repúblicas bálticas, Estonia e Lituania, negáranse a aceptar a esixencia do Kremlin de pagar o gas en rublos. Ademais, a mediados de xullo, o Parlamento letón acordou prohibir totalmente a súa importación a partir do 1 de xaneiro de 2023.