Sánchez esixirá compartir responsabilidades na atención de inmigrantes e refuxiados

O presidente do Goberno, Pedro Sánchez asegurou que na Conferencia de Presidentes deste domingo esixiralles ás comunidades autónomas "corresponsabilidade" na atención á atención de inmigrantes, que afecta en maior medida a territorios como as Canarias.

Pero tamén ante o actual fluxo de refuxiados procedentes do éxodo de Ucraína causado pola invasión de Rusia.

Sánchez rexeitou ademais o "infundio" de que se estea favorecendo desde o Goberno a algunhas comunidades cos fondos de recuperación e considerou  importante afastar o debate partidista dos fondos europeos, que nas circunstancias actuais dixo "son máis importantes que nunca para seguir garantindo o crecemento económico e a creación de emprego".

Pedro Sánchez considera que hai que seguir reforzando a unidade dentro do marco da Unión Europea e da OTAN para dar resposta á invasión de Putin en Ucraína e tamén á crise dos refuxiados. Esa proposta de unidade váillela trasladar mañá aos presidentes autonómicos, reunidos en conferencia, incluíndo a entrega de armas a Ucraína:

Sánchez evitou pronunciarse sobre se prefire a Núñez Feijóo ou a Casado á fronte do PP e censurou o acceso de Vox ao goberno de Castela e León.