Cargando resultados...
Sanidade confirma o segundo falecemento por varíola do mono
Sanidade confirma o segundo falecemento por varíola do mono
G24.gal
30/07/2022 12:59
Última actualización 30/07/2022 20:31
O Ministerio de Sanidade comunicou este sábado a segunda morte en España por varíola do mono. A enfermidade suma 4.298 casos confirmados no país, 37 deles en Galicia.
O primeiro caso mortal coñecíase este venres e foi localizado na Comunidade Valenciana. Polo momento, non transcendeu a localización da segunda vítima.
O primeiro falecemento produciuse por encefalite asociada á infección e analízase o caso para determinar a confirmación definitiva da causa do falecemento.
En Córdoba faleceu un home de 31 anos que, á espera da confirmación polo Centro Nacional de Microbioloxía do Instituto de Saúde Carlos III, puido sufrir unha meningoencefalite.
