Sexto triunfo consecutivo do Leyma Coruña

Sexta vitoria consecutiva dun Leyma Coruña que manexou con solvencia o partido en Xirona (68-80). Desde o primeiro cuarto encamiñou o triunfo cun parcial no que amosou un gran acerto en ataque (15-26). Xirona nunca puido meterse no partido diante dun Leyma que contou cunha ampla rotación na que todos os xogadores achegaron cousas positivas. Ata seis deles estiveron con nove ou máis puntos con Gray (13) e Lofberg (12) como canoneiros máis destacados. 

O Leyma Coruña suma seis triunfos en oito xornadas a unha soa do líder sólido do seu grupo, o Estudiantes.