Susana Rodriguez Gacio gaña a Copa do Mundo da Coruña

Imos coa Copa do Mundo de Paratriatlon que se está a disputar esta fin de semana na Coruña.

O protagonismo desta carreira era para a campioa do mundo, Susana Rodríguez Gacio, que buscaba a vitoria xunto á súa guía Sara Loehr.

A viguesa volveu demostrar a súa gran categoría, facéndose cun claro triunfo. Non tivo rival nin no sector ciclista nin na carreira a pé. Superou en máis de cinco minutos á italiana Anna Barbaro e en case sete á alemá Ania Renner.