Últimos días para comprar lotaría de Nadal

A lotaría de Nadal mobiliza millóns de persoas na procura da sorte e, a pouco máis de dez días do sorteo máis agardado do ano, a xente aproveita para facerse cun décimo porque o de mercar Lotaría de Nadal é toda unha tradición.

"Notamos moita afluencia de xente e xente de fóra", di Celia Portela, loteira.

Unha clienta dunha administración di que "é das Canarias e que viñeron ver as luces de Vigo e aproveitaron para pasar por Pontevedra, ver a cidade e coller un décimo".

Sexa como for, galegos ou turistas, cómpre saber que aínda quedan décimos e, malia que son os últimos, quedan días. O que queda tamén é moita ilusión para o sorteo máis agardado do ano.