Un autobús escolar queda atorado nunha pista da parrquia compostelá de Sabugueira

Na parroquia compostelá de Sabugueira, os veciños tamén se queixan da falta de seguridade viaria nas pistas que percorren a zona. De feito, esta semana un autobús escolar sufriu un contratempo por este motivo. Tivo que abrirse nunha curva para deixar paso a outro vehículo e quedou encaixado nunha cuneta. Pero non é a única queixa da veciñanza.

Aínda se aprecian na gabia as pegadas das rodas do autobús escolar que o martes quedou atascado nesta pista do lugar de Mourentán, en Santiago. E non é a primeira vez que ocorre.

As pistas son estreitas, nalgúns puntos teñen escasa visibilidade e non hai beirarrúas, o que supón un problema de seguridade viaria para os veciños.

Pero ademais da seguridade viaria, outros problemas co transporte escolar e urbano traen de cabeza os veciños da Lavacolla.

Tanto no caso do transporte escolar como urbano din os veciños que empeorou desde que presta o servizo a nova empresa concesionaria.