Un golfiño leva unha semana nas augas do río Ulla
Un golfiño leva unha semana nas augas do río Ulla
Os veciños temen que a baixa salinidade lle afecte e acabe por morrer
Desde o Cemma están a facer o seguimento e aseguran que está en bo estado
A presenza dun golfiño nas augas do río Ulla na zona limítrofe de Padrón co Pontecesures leva días causando grande expectación entre os veciños.
As especulacións sobre as circunstancias polas que o golfiño remontou o as augas do río Ulla e que o fan permanecer tanto tempo a quince quilómetros da Ría de Arousa medran estre os veciños.
Desde a Coordinadora de Estudos de Mamíferos Mariños que están a facer un seguimento do animal desde que foron informados da súa presenza recoñecen que non é normal que remonte o río ata tan arriba, sen o resto do grupo, e que permaneza tanto tempo na zona.
Aos que pasan a diario pola zona preocupalles que a baixa salinidade poda afectarlle e acabe morrendo.
Biólogos do Cemma aseguran que o golfiño se atopa en bo estado e descartan unha intervención para rescatalo xa que din que sería complicado por estar moi lonxe da ría. Agardan que en breve regrese ao mar.
