Cargando resultados...
Un incendio calcina dous coches e dana outro nun garaxe de Culleredo
Un incendio calcina dous coches e dana outro nun garaxe de Culleredo
As lapas na avenida do Portádego obrigaron a desaloxar os veciños do inmoble afectado
Un incendio calcina dous vehículos en Culleredo/ Twiter
G24.gal
04/06/2023 16:35
Dous coches quedaron completamente calcinados e outro foi afectado polas lapas tras producirse un incendio nun garaxe na localidade coruñesa de Culleredo.
O incendio rexistrouse a primeira hora da mañá deste domingo no garaxe dun edificio da avenida de Portádego. Afortunadamente, ninguén resultou ferido.
Foron varias persoas as que alertaron o 112 Galicia de que saía fume do garaxe. A central de Emerxencias deu aviso aos Bombeiros de Arteixo, Emerxencias Sanitarias de Galicia-061 e a Policía Local.
O suceso obrigou desaloxar os veciños dun dos portais do bloque de vivendas. Agora investigan as causas do incendio.
