Un incendio deixa sen fogar unha familia de Agolada

Dúas casas lindeiras en Val de Sangorza, en Agolada víronse afectadas por un incendio. As lapas deixaron sen fogar de xeito momentáneo unha familia do lugar.

As primeiras investigacións apuntan a que puido orixinarse nun enchufe e propagarse con rapidez ás cortinas dunha sala da vivenda. O lume estragou dous cuartos e un baño. Na cociña estaba o matrimonio e dúas das súas fillas pero saíron en canto se deron conta do incendio.

Os veciños foron os primeiros que intentaron apagar as lapas, pero resultoulles imposible, e mesmo lle afectaron a outra casa lindeira, rehabilitada hai pouco tempo e que se usa como segunda vivenda. No momento do incendio estaba desocupada.

O 112 recibiu o aviso contra as 20:30 horas do sábado por parte dun particular. Mobilizou o GES de Lalín, os bombeiros con sede en Silleda, 061 e Protección Civil de Agolada e a Garda Civil.

Na casa onde comezou o lume quedaron moi afectados os cuartos dos menores, pero aínda haberá que avaliar os danos. Para ocupala outra vez vai precisar dunha importante rehabilitación.

Familiares e amigos dos afectados realoxáronos polo momento.

O lume estragou dous cuartos e un baño As lapas propagáronse con rapidez polo tellado e pasaron á vivenda contigua. A Garda Civil investiga a orixe pero a familia afectada xa ten unha hipótese. "Intuímos que poida ser un cargador nun enchufe porque no cuarto da nena, onde empezou todo, non hai outra cousa", comenta Roberto.

Xestións e axuda

O seguro abriu un parte. Agora toca avaliar os danos e concretar a causa concreta do incendio. A familia afectada dálle as grazas ao Concello pola axuda que lle brindou e aos seus veciños. Ademáis de socorrelos, un deles deixoulles unha casa mentres non atopan outra solución.