Un problema eléctrico deixa parado o tren Madrid-A Coruña durante máis de dúas horas

Problemas de novo no tráfico ferroviario. Un tren que cubría o percorrido entre a Coruña e Madrid estivo atrapado durante máis de dúas horas este mércores por mor dunha incidencia eléctrica na estación de Ourense. Unha situación que mesmo provocou atrasos noutros trens do Eixo Atlántico e, sobre todo, as queixas de numerososo usuarios. Pasaxeiros que estaban na estación din que nin sequera foron informados.