Un tornado arrinca as placas do tellado e catro chemineas dun edificio en Baiona

Os veciños dun edificio de Baiona pasaron un bo susto a primeira hora desta mañá. Un tornado levantou a cuberta dun edificio.

Fixo voar os paneis do tellado e catro chemineas que foron caer ao xardín e a unha zona de aparcadoiro próxima que foi acordoada pola Policía Local.

Efectivos do Grupo de Emerxencias do Val Miñor revisaron o estado en que quedou o teito para evitar novos desprendementos. Selaron tamén de xeito provisional a zona descuberta para evitar que entre a chuvia.