Unha pista sitúa o home desaparecido en Friol na parroquia de Condes

O dispositivo de busca do veciño de Friol, de 80 anos, trasladouse á parroquia de Condes, porque parece ser que o viron pola zona. 

Os membros do Grupo de Emerxencias Supramunicipais e de Protección Civil do concello, xunto con voluntarios e cazadores, non deixan lugar sen rastrexar. 

O home falta da casa desde o domingo pasado. Atoparon o coche preto do prado onde tiña as vacas, e ao ver que non regresaba, a familia denunciou o caso. 

A busca tamén se está a facer dende o aire, con drons da Axencia Galega de Emerxencias, baixo a coordinación da Garda Civil.