Unha sentenza libra un barrio de Sarria dunha parella conflitiva
Unha sentenza libra un barrio de Sarria dunha parella conflitiva
Os seus familiares piden axuda para desintoxicalos das súas adiccións
Trátase dun home de 40 anos e da súa compañeira, de 27, que protagonizaron unha morea de altercados
Os veciños do barrio sarriao de Vigo de Sarria levaban anos sufrindo un calvario debido a unha parella conflitiva. Trátase dun home de 40 anos e da súa compañeira, de 27, que protagonizaron unha morea de altercados
De feito, acumulaban decenas de denuncias por agresións e por roubos nas casas e nos negocios. Entre os afectados, encóntrase a nai dun dos membros da parella, que puido botalos da casa grazas a unha sentenza xudicial. Tamén figura o pai, que reside na vivenda lindeira.
Juan Manuel Vila, pai dun dos membros da parella conflitiva: "Non vou defender o meu fillo, porque non o merece. Tanto el coma a súa compañeira son dous auténticos canallas, non só no barrio senón en calquera sitio. Estes días atrás tiráronlle os dentes a un mozo".
A orde de afastamento que lle impide a parella volver ao barrio fíxose efectiva esta mesma semana. Dende entón, os veciños de Vigo de Sarria aseguran vivir moito máis tranquilos.
Segundo os seus familiares, a conflitividade da parella provén das súas adiccións. Piden, por tanto, axuda para desintoxicalos.
Juan Manuel Vila, pai dun dos membros da parella conflitiva: "A ela había que metela nun centro, porque non está moi ben da cabeza, á parte do alcohol e as drogas. E o meu fillo debíano meter nun centro e desintoxicalo, porque ten 40 anos e non ten porvir ningún".
Malia todo, a parella conflitiva non tiña solicitada ningunha atención social.
