Will Smith pide perdón a Chris Rock pola labazada dos Óscar

Tras desatar onte unha tormenta de reaccións e de que as imaxes deran a volta ao mundo, o actor Will Smith pediu perdón a Chris Rock pola labazada dos Óscar.

Aínda que xa pedira desculpas tras recibir o galardón a mellor actor, non o fixera co agredido. Nun comunicado nas redes sociais recoñece que se equivocou e pídelle perdón publicamente ao cómico, que fixera un chiste sobre a súa muller. 

As palabras de Smith chegan horas despois de que a Academia de Hollywood anunciara unha investigación do incidente para estudar posibles accións contra o actor tras protagonizar un dos momentos inesquecibles da historia dos Óscar.