Tino Santiago xubílase tras 38 anos na CRTVG
Tino Santiago xubílase tras 38 anos na CRTVG
Ao longo de case catro décadas destacan na súa traxectoria os programas de debate e entrevistas
O seu último traballo é o especial dedicado a Francisco Fernández del Riego con motivo das Letras Galegas
O xornalista dedicou boa parte da súa carreira a programa de entrevistas e debate
O noso compañeiro Tino Santiago xubílase despois de 38 anos de traballo na CRTVG. Foi dos que puxeron a andar esta casa e na súa traxectoria destacaron os programas de entrevistas e de debate, como poden ser A chave. Ducias de convidados conversaron con el no espazo matinal da TVG.
A súa carreira profesional desenvolveuse tanto na Radio Galega como na Televisión de Galicia, diante e detrás dos micrófonos. O seu traballo abrangue contidos moi diversos. Foi o responsable da retransmisión da visita do papa Bieito XVI a Santiago no 2010 e tamén editor e director de programas culturais, de entretemento e de informativos, coma o Bos Días.
Despídese da CRTVG co especial das Letras Galegas, en que revisa a vida e obra de Francisco Fernández del Riego.
