Esgotados en dúas horas os primeiros 30.000 abonos do Son do Camiño

Esgotados os 30.000 primeiros abonos do festival O Son do Camiño postos á venda ás 13:00 horas deste mércores e que se celebrará en Santiago de Compostela, a última fin de semana de maio, os días 30 e 31 e tamén o 1 de xuño de 2024.

Do cartel do festival só coñécese un nome, o da banda californiana Green Day que será un dos cabezas do festival. Este grupo foi a primeira confirmación do festival e, segundo a organización, a banda arrincará a súa xira europea en Santiago de Compostela cun concerto de máis de dúas horas de duración en que, ademais de repasar a súa discografía chea de éxitos, celebrará o trinta aniversario de Dookie e os vinte anos de American Idiot, dous álbums básicos na súa discografía.

As entradas puxéronse á venda desde 79 euros, pero había varios tramos de prezos en que as máis caras ascendían a 139 euros para os 3 días e 209 euros para a zona VIP.