Cargando resultados...
Os usuarios do tren aínda descoñecen se continuarán os abonos de balde en 2024
Os usuarios do tren aínda descoñecen se continuarán os abonos de balde en 2024
Os viaxeiros piden que o Goberno central aclare canto antes se se vai prorrogar a axuda
G24.gal
07/12/2023 14:28
A validez do último abono cuadrimestral do ano que adquiriron os viaxeiros remata o próximo 31 de decembro. Polo momento, o Ministerio de Transportes non se manifestou sobre a continuidade da medida.
A fin da gratuidade suporía para moitos un cambio na forma de desprazarse ao non poder facer fronte ao custo dos billetes.
Colectivos e plataformas de usuarios reclaman a vixencia da medida e piden ao Goberno central que comunique canto antes a súa decisión.
Coa gratuidade do servizo, o uso do tren aumentou de xeito considerable. Preto de sesenta e cinco mil galegos empregaron o abono nas súas viaxes.
