Morre en Trasmiras un home atropelado accidentalmente polo seu fillo, que daba marcha atrás co coche

Un home de 72 anos faleceu ao ser atropelado por un turismo que conducía o seu fillo cando realizaba manobras no interior dunha propiedade privada do municipio ourensán de Trasmiras.

O suceso tivo lugar ás 21:00 horas do pasado domingo, cando a vítima foi alcanzada por un coche que daba marcha atrás no patio dunha casa situada no lugar de Soutelo, segundo informaron os servizos de emerxencia.

🔴 #AXEGAInforma dunha persoa que faleceu tras ser atropelada en Trasmiras.

📌 Lugar de Soutelo.
➡️ O coche implicado atopábase manobrando marcha atrás.

🚨 Urxencias Sanitarias de Galicia-061, Bombeiros de Xinzo, @guardiacivil de Tráfico. pic.twitter.com/YAexMr5t9F

— 112Galicia (@112Galicia) April 14, 2024

A voz de alerta foi dada por un familiar que chamou ao 112 para pedir asistencia médica urxente para o home, que se atopaba inconsciente tras recibir o impacto.

Ata o lugar mobilizáronse efectivos de Urxencias Sanitarias, que non puideron facer nada pola vida do home. Tamén acudiron ao lugar axentes da Garda Civil para solicitar información sobre o sinistro.

Ás 23:50 horas o forense de garda acordou o levantamento do cadáver e o seu trasladado ao Complexo Hospitalario Universitario de Ourense, onde se lle realizará a autopsia.

O falecido era unha persoa moi coñecida non só en Soutelo, senón tamén nos arredores pola súa afección a música, especialmente a gaita. 

"Pois unha pena moi grande porque era moi bo rapaz, son veciños de aquí de sempre, de toda a vida". "Sí, porque el tocaba a gaita e gustáballe moito, entón era coñecido, pero é o que hai, son accidentes, é mala sorte". "Sonoume o teléfono e vino nun grupo que temos das mulleres rurais, pero non o sabía. Debeu de ser onte sobre as nove ou así. Era un home moi coñecido".

A súa morte causou unha fonda conmmoción entre a veciñanza da zona.