Xabier Ron: "Cada vez que leo unha cantiga atopo novas conexións coa realidade actual"
No estudo de 471 cantigas de 101 autores téntase descubrir os códigos cifrados nas declaracións de amor as mulleres da nobreza
As relacións entre distintas clases sociais no podías ser públicas e encubríanse nas cantigas cunha serie de xogo poéticos
As creacións poéticas difundíanse, case exclusivamente, de xeito oral con acompañamento do canto, da declamación e de instrumentos
Toda obra literaria pode adquirir unha significación máis acaída se deixamos que o contexto nos alumee, se atendemos ás condicións de creación, de produción, de transmisión de recepción e de preservación. Esta máxima, que leva a moitas interrogantes, é a que segue o investigador Xabier Ron sobre os códigos cifrados, os xogos poéticos que se agochan nas cantigas medievais.
O estudio 'Entre antropoloxía e historia. A oralidade na ficción amorosa dos trobadores galego-portugueses ou como salvar o itinerarium ad dominan' acábase de publicar, pero xa foi en 1993 cando o autor comezou unha tarefa que el di que se revelou emocionante e chea de desafíos.
