A falta de gol, o primeiro problema que debe solucionar o Racing
A falta de gol, o primeiro problema que debe solucionar o Racing
O equipo leva case 300 minutos sen marcar un gol e non gañou ningún dos tres partidos que xogou como local
A este Racing estalle a custar máis collerlle o pulso á categoría ca o ano pasado, que debutaba en Segunda. Cristóbal ten moitas pezas novas que encaixar. Aínda non chegou a primeira vitoria despois de tres partidos na Malata. Polo menos, contra o Mirandés, Jesús Ruiz mantivo a porta a cero.
A temporada pasada tras a cuarta xornada o Racing levaba oito puntos e cinco goles. De momento só pode contar os dous de Jauregi do primeiro partido contra o Málaga. A estrea de Bebé contra o Mirandés promete, pero fáltalle rodaxe. As expectativas son altas, tamén entre os seus propios compañeiros.
Álvaro Sanz foi a outra gran novidade ao estrearse como titular no medio centro. No camiño de buscar claridade no ataque para saír da zona baixa, o domingo o Racing visita un exprimeira: o Cádiz.
