A resistencia do Deportivo Abanca contra o Real Madrid durou oitenta minutos

O contundente resultado final a prol do Real Madrid non lle fai xustiza a un Deportivo Abanca que foi por díante no marcador ata o minuto 78. O equipo coruñés xogou un bó primeiro tempo, dificultando os ataques do seu rival e creando ocasións ante a gardameta visitante Misa, unha das catro exdeportivistas presentes en Riazor co conxunto visitante. Millene estivo preto de marcar antes de que o conseguise Pancha Lara no minuto 35.

Tralo paso polos vestíarios o encontro converteuse nun acoso continuo das madridistas. Logo de moitos intentos, chegaría o gol do empate no minuto 78. Olga Carmona, cun gran disparo, acabou coa resistencia dun Deportivo moi desgastado físicamente e con xogadoras chaves xa fóra do partido. Sen Ainhoa ou Millene, só quedaba defender. E o Madrid atopou porta ata en tres ocasións nos últimos minutos. Alba Redondo, no 85, facía o un a dous. A exdeportivista María Méndez, no 88, o un a tres. E Signe Bruun, xa no engadido, o definitivo un a catro para as de Toril, que consolidan a segunda praza na táboa.

O Deportivo Abanca, logo do segundo encontro con Fran Alonso no banco, continuará no penúltimo posto con só seis puntos logrados en doce partidos.