O Deportivo Abanca cae goleado en Granada na estrea de Fran Alonso (5-0)

A estrea de Fran Alonso como técnico do Deportivo Abanca non se traduciu nunha reacción do equipo galego. Todo o contrario, pois foi goleado en Granada. 5 a 0 foi o resultado a prol do equipo andaluz, que se amosou moi superior.

No primeiro tempo logrou dous goles, grazas a Laura Pérez e Isa Álvarez. Especialmente negativo foi o cuarto de hora inicial do segundo tempo, no que o Deportivo Abanca apañou tres goles. Postigo, Ornella e Edna completaron a goleada do Granada. É a cuarta derrota seguida do Deportivo. Seguirá unha xornada máis en postos de descenso.