Tres derrotas galegas na xornada da Liga Feminina
Tres derrotas galegas na xornada da Liga Feminina
O Baxi caeu diante do poderoso Perfumerías Avenida
O Celta e o Ensino estiveron moi preto de sacar o triunfo nos partidos que xogaron como visitantes
Mala xornada na Liga Feminina de baloncesto coa derrota dos tres equipos galegos. O Celta Femxa Zorka xogou o sábado diante do Cadi La Seu e caeu por 91-79. O partido foi moi igualado e decidiuse na prórroga (75-75). No tempo suplementario o equipo local estivo moi inspirado e, cun parcial de 16-4, levou o partido.
O Baxi Ferrol xogaba na Malata contra o Perfumerías Avenida. O cadro salmantino cumpriu co agardado e gañou por 59-83. O segundo cuarto (parcial de 9-30) marcou o partido. Ao descanso o Avenida gañaba por 27-45 e na segunda metade controlou a vantaxe.
O Durán Maquinaria Ensino parecía ter na moitas posibilidades de levar o partido que xogou na pista do Joventut ao remate do terceiro cuarto (49-56). Pero no derradeiro deixou escapar todo o traballo feito os outros trinta minutos. Malia o gran partido de Rachel Howard (20 puntos) a vitoria quedou en Badalona por 72-67.
