Benítez: "Trataremos de compensar as carencias no mercado"

Rafa Benítez falou logo da derrota do Celta diante do Osasuna. Para o técnico, a clave do partido foi "que nos enfrontamos a un equipo moi feito e coordinado. A nosa falta de compenetración viuse". Ao final do partido Beltrán comentou que non se fixera o que mandara Benítez, pero o adestrador desculpouno argumentando que "hai cousas que é fácil dicilas no vestiario pero despois é difícil levalas a cabo no campo". 

Moito se falou sobre o mercado e os seus tempos. "Hai carencias que tentaremos compensar con fichaxes", pero quéixase de que se poida fichar ata a cuarta xornada de liga: "Queixámonos todos os anos e ninguén pon solución. Hai futbolistas que poden ter a cabeza noutro sitio". 

Pola zona de prensa pasaron Fran Beltrán e Óscar Mingueza. Beltrán recoñeceu que o equipo tiña que "dar moito máis". Para Mingueza, hai moita marxe de mellora: "Levamos pouco co adestrador, nos amigables sae dun xeito máis doado, pero os partidos oficiais son diferentes".