Carles Pérez cae dunha convocatoria en que está Gabri Veiga

O adestramento deste venres puido ser o último de Gabri Veiga en Afouteza. E ainda que Benítez agarda do porriñés un último servizo en Anoeta tamén ten a previsión que o mercado de agosto, menos vantaxoso, lle traia os xogadores que precisa. 

Un porteiro é unha desas posicións que buscará complementar o Celta e iso que recuperou a Marchesín, de baixa desde o mes de xaneiro. Quen non viaxou foi Carles Pérez que iniciou o adestramento pero non o puido acabar por molestias e quedou fóra de convocatoria. 

Cae un dos titulares, así que haberá cambios diante da Real Sociedade, outro equipo feito ao igual que o Osasuna e de nivel Europeo. O carácter competitivo porao Iago Aspas, nun ano no que vai ter que dosificar os seus minutos. Non se lle dá mal Anoeta para ir buscar o primeiro gol da temporada.