Carlos Canal estará na saída do Gran Camiño malia a caída que sufriu en Xaén
Carlos Canal: "A etapa de Marín á Estrada vaime ben, tamén a de Pedrafita. Que vaian ben as pernas"
Non haberá problemas para que Carlos Canal estea na saída do Gran Camiño malia a caída que sufriu o luns na Clásica de Xaén. Estivemos con Canal a carón da Ponte Romana de Ourense. Aí comezará a terceira etapa. Unha contra o reloxo individual de quince quilómetros que unirá Ourense e O Pereiro de Aguiar.
"A saída desta etapa é impresionante, lugar icónico, unha crono dura, sempre subindo".
"É un día para a xeral e para probar as pernas, máis de físico que de técnica".
Canal desvela as características da xornada, unha crono de poderío, practicamente unha cronoescalada.
"Non é cronoescalada, pero case. Espero disputar outras etapas que teño apuntadas".
Será o venres 28. Na cabeza do ciclista de Xinzo de Limia están outras etapas.
"A etapa de Marín á Estrada vaime ben, tamén a de Pedrafita. Que vaian ben as pernas".
