Carlos Vicente: "O obxectivo é a permanencia, pero aspiro a entrar na promoción"

O Racing comeza a preparar a temporada do regreso á segunda, un salto de categoría moito tempo agardado que se fará realidade en algo máis dun mes. Carlos Vicente, un dos destacados na campaña do ascenso, marca obxectivos ben ambiciosos.

Moitos xogadores do Racing vanse estrear no fútbol profesional esta temporada, entre eles Carlos Vicente, porque a súa gran temporada na 1.ª federación espertou o interese de varios equipos.

Á espera de máis incorporacións, o Racing traballa con once xogadores da temporada pasada mais as fichaxes de Nacho Sánchez, Josep Señé e Íker Losada.