Vilarreal - Celta: un asalto imprevisible pola zona alta da táboa

Os enfrontamentos entre o Celta e o Vilarreal, como o desta tarde na Cerámica, adoitan ser imprevisibles.

Emery: "A primeira volta empatamos a un, fixemos un bo partido, puidemos gañar e tamén perder. E ese é o Celta. Temos como referencia a temporada pasada, cando fomos quen de gañar 0-4 alí, e fomos quen de perder 2-4 aquí"

O que si reflicten con claridade as matemáticas e que o Celta chega á Cerámica a sete puntos dun rival que pisa territorio europeo, o que o podería meter de cheo na loita. Pero o técnico celeste prefire ir paso a paso.

Coudet: "Vai ser difícil, temos un rival de moita xerarquía, pero o primeiro obxectivo que buscamos é acadar os puntos para acadar a salvación definitiva"

Coudet non quixo desvelar se repetirá Galhardo como titular, pero si confirmou que Kevin será o substituto do sancionado Hugo Mallo, logo dunha xogada cun castigo excesivo para o técnico.

A partir das seis e media, na Cerámica, un novo asalto á zona alta da táboa.