Cristóbal avisa do perigo do Elxe, que visita mañá a Malata
Cristóbal avisa do perigo do Elxe, que visita mañá a Malata
O técnico recoñece as virtudes dun dos equipos con mellor forma da liga
A principal novidade é a entrada na convocatoria do xuvenil David Carballo
O Rácing xoga mañá ás catro e cuarto na Malata, intentando achegarse aos postos de privilexio tras o empate en Albacete e cunha novidade importante na convocatoria. No adestramento previo destacou o xuvenil David Carballo, convocado polas baixas de Señé e Chuca. Cristóbal confirmouno trala sesión e destacou o xogo e o bo traballo do equipo rival. E tamén se referiu ao mal fario cos penaltis logo dos dous erros no Carlos Belmonte.
Sobre o xuvenil David Carballo:
"Estanos axudando moito, está traballando moi ben. Mañá irá convocado ante as baixas de Señé e Chuca porque creo que o merece".
O análise do Elxe e o partido:
"Xogan moi ben ao fútbol. Teñen as ideas moi claras, está moi ben traballado e aperta moito. Cando non ten balón, é valente. Con balón teñen bos movementos grupais, saben ben o que fan. É un partido complicado e difícil".
"Se hai un penalti decidirei eu quen o tira".
Sobre os seaeiros:
"Que sigan axudándonos e apoiándonos. Nós intentamos devolverlle ese apoio incondicional que temos da nosa afección".