Un penalti inexistente derruba o Ourense C. F. no Johan Cruyff (3-0)

O Ourense C. F. saíu sen complexos no campo do filial do Barcelona, e gozou de boas ocasións ata que, un despexe co peito de Moisés foi convertido nun penalti polo colexiado. Ía media hora de partido, e o 1-0 de Barberá deixou tocados aos de Rubén Domínguez, que gozaran de dúas moi boas ocasións que non puideron culminar co empate a 0.

Ao Barça Atlètic acontécelle todo o contrario. Ten moita calidade arriba e, no último cuarto de hora da primeira metade, evidenciouno. Unha acción espectacular ao primeiro toque, que enviou á rede Toni Fernández cun acrobático remate. 

Aínda na primeira metade, Guillermo culminou unha contra con outro remate pola escuadra que enviou aos xogadores a vestiarios cun tres a cero que pesaba xa como unha lousa.

Na segunda metade, o Ourense tamén gozou de aproximacións de perigo, pero a vantaxe local permitíalle ao filial xogar coa calma precisa para manter a súa porta a 0 con seguridade.

O resultado deixa o Ourense C. F. como pechacancelas da clasificación cun so punto logo de tres xornadas.