O Ourense C. F. deixa escapar con vida o Andorra (0-0)

Visitaba un dos galos da categoría o campo do Couto. O Andorra non demostrou a súa condición de candidato ao ascenso e acabou sufrindo moito para lograr un empate. 

No primeiro tempo os dous equipos buscaron sorprender con lanzamentos desde longa distancia. Os dous porteiros estiveron moi seguros e chegouse co empate ao descanso. Na segunda metade a expulsión do visitante Morgado condicionou o partido. O Andorra pechouse no seu campo dando por bo o empate e o Ourense gozou de boas ocasións. Sobre todo un remate de Carmona e un lanzamento cruzado de Jairo. Ningún dos dous acabou na rede e o partido rematou co 0-0 inicial.