O Baxi pode garantir a continuidade en Europa diante do Brno (mércores, 20:00, G2)

O Baxi Ferrol está a un partido de acadar de xeito matemático a clasificación para a seguinte fase de European Cup. Todo unha xornada antes do final da primeira volta, algo impensable cando saíu o sorteo da fase de grupos. 

Ao modesto equipo ferrolán tocoulle estar encadrado co potente Galatasaray turco, co Brno da República Checa o co conxunto portugués dos Azores. As mellores previsións falaban de pelexar o segundo posto co Brno, pero á xornada 5 chega o Baxi empatado co líder Galatasaray, con tres vitorias e cunha de vantaxe sobre as checas, equipo ao que reciben este mércores no Pavillón da Malata. 

A vitoria mete ás de Lino López na seguinte fase. "É un fito para o baloncesto galego", asegura o adestrador na previa do partido. No caso de derrota nada estaría perdido aínda que habería que xogar moito coa diferenza de puntos tendo en conta o +14 que conseguiu o Baxi Ferrol no partido xogado na República Checa. Poderemos ver a cita na G2 e agalega.gal a partir das 20:00 horas deste mércores.