O derbi galego da Liga Feminina vén marcado polo desencontro entre clubs
O derbi galego da Liga Feminina vén marcado polo desencontro entre clubs
O partido xogarase o venres, horas despois de que o Baxi regresara de Istanbul do partido da Eurocup
O cadro ferrolán pediu o troco de hora e o Ensino axustouse ao que marcaba a FEB
Chegou o xoves pola tarde o Baxi Ferrol de volta á casa tras a súa vitoria histórica en Istambul na Eurocup. Semana intensa para o equipo ferrolán, que se pecha co encontro de liga o venres ante o Ensino. Esixencias do calendario que non tiveron modificación posible.
O Baxi Ferrol trae unha mochila ben pesada de Istambul. Por unha banda a ledicia dunha vitoria histórica ante un dos grandes do continente. Pola outra un cansazo enorme. Porque o seguinte compromiso é ante o Ensino e chega cunha compoñente polémica. O Baxi tentou adiar o encontro pero non houbo acordo co club lugués.
