O Fortuna faise forte en Balaídos onde logra a terceira vitoria seguida

O Celta Fortuna continúa escalando postos na clasificación da Primeira RFEF grazas á solvencia que acada en Balaídos. Diante do Ourense Club de Fútbol logrou a terceira vitoria consecutiva como local e xa suma 15 puntos, cun partido menos. 

Chegoulle aos de Fredi Álvarez cun solitario gol de De La Iglesia aos dezaoito minutos do primeiro tempo. O Fortuna foi superior a un cadro ourensán no que se estreaba Pablo López como adestrador. No segundo tempo o equipo que se atopa en descenso directo arriscou pero non conseguiu o ansiado gol do empate malia que Marqueta os mantivo no partido con grandes intervencións.