Edu Iglesias xa está listo para comezar este venres o seu sexto Dakar
Edu Iglesias xa está listo para comezar este venres o seu sexto Dakar
Será o único galego que compita na categoría de motos do rally máis famoso do mundo
O monfortino Eduardo Iglesias volve ao Dakar en 2025. Entre mañá día 3 e o 17 de xaneiro será o único galego que compita na categoría de motos do rally máis famoso do mundo, en que participará por sexta vez.
Farao de novo co dorsal número 38. A idea inicial de Iglesias era retirarse da disputa das probas máis importantes e duras do planeta. Finalmente deu marcha atrás ante os ánimos de patrocinadores e afeccionados. O monfortino recoñece que é unha modalidade que engancha e espértalle curiosidade e emoción, co estímulo dun novo percorrido na próxima edición.
"Vai ser unha edición parecida á do ano pasado. A primeira semana vai ser chave".
"Queremos mellorar. O obxectivo é estar no top 50, pero está moi caro".
A que será a sexta presenza de Edu Iglesias no Dakar perfílase como a máis esixente ata a data, tanto para pilotos como para máquinas.
Edu Iglesias xa ten todo listo para comezar.
"Xa temos as verificacións feitas. Listo para mañá facer a prólogo, que será curtiño".
