Mella e Yeremay espantan as pantasmas cunha goleada en Albacete (2-5)
Mella e Yeremay espantan as pantasmas cunha goleada en Albacete (2-5)
Os dous canteiráns foron os protagonistas da vitoria con cadanseu dobrete
O exdeportivista Quiles adiantou o Albacete na primeira xogada do partido
Minuto a minuto
O Deportivo chega con presión á cita co Albacete. Unha vitoria en seis partidos, en postos de descenso e só con tres goles a favor. Non son bos números no regreso á categoría de prata. O Albacete, que vén de gañar por 1-4 en Ferrol, atópase nunha situación moito máis confortable: no medio da táboa e con 9 puntos acadados.
Xa temos o equipo titular do Deportivo. Mantense Barcia na defensa e entra Mfulu no centro do campo.
𝑶 𝒏𝒐𝒔𝒐 𝒐𝒏𝒄𝒆.#AlbaceteBPDépor #LaLigaHypermotion pic.twitter.com/Mw6mDMwoEa
— RC Deportivo (@RCDeportivo) September 27, 2024
O equipo do Albacete, co exdeportivista Quiles na dianteira.
𝐍𝐮𝐞𝐬𝐭𝐫𝐨 𝐗𝐈 🦇 pic.twitter.com/pFFciD6kJa
— Albacete Balompié 🤍 (@AlbaceteBPSAD) September 27, 2024
Comezou o partido!!! Con lanzamento do Deportivo protagonizado por Mfulu
1-0 GOL DE QUILES. Saque de córner e remata Quiles co pé completamente liberado de marcaxe.
1-1 GOOOOL DE MELLA. A xogada está sendo revisada polo VAR por un posible fóra de xogo anterior de Lucas Pérez que foi o que meteu o centro... e finalmente dá validez ao tanto. Dous tiros a portería e temos dous goles.
1-2 GOOOOOOL DE YEREMAY. Incrible o deste comezo de partido. Agora é o canario o que marca o segundo cando só pasara un minuto desde o saque de centro.
Máxima efectividade dos dous equipos neste comezo de partido. Tiña unha situación comprometida o Deportivo co gol de Quiles pero nun abrir e pechar de ollos deulle a volta.
Tiro de Juanma que impacta na cara de Pablo Vázquez. Ten que ser atendido o asturiano.
Contra do Deportivo levada por Mella, pero o seu centro non é quen de rematalo Barbero.
Últimos minutos da primeira metade. Domina o Albacete, pero con pouca profundidade.
Contra moi perigosa do Deportivo coa velocidade de Mella. O seu remate sácao o porteiro local a córner.
Agora é Lucas o que proba sorte desde lonxe. Marchoulle alto.
Clarísima de Yeremay!!!!! Ximo pon o pase da morte e o canario remata arriba nunha inmellorable posición.
Gol anulado a Barbero. Outra contra moi rápida pero Lucas, agora si, estaba en posición clara de fóra de xogo.
Agus Medina rozando o pau!!! Outro córner que remata o Albacete xerando unha ocasión moi clara. Chégase ao descanso coa vantaxe deportivista.
En xogo a segunda metade!
Pide penalti o Albacete por unha caída de Juanma diante de Ximo Navarro
Centro de Lucas e boa chegada de Ximo Navarro, que remata ao exterior da rede
Lucas decide facer unha xogada individual e o remate acaba nas mans de Cristian Rivero
1-3 GOOOOOL DE YEREMAY. Estaba chegando moito o Deportivo. Yeremay inventa unha xogada individual e non perdoa diante do porteiro albaceteño.
Centra Meléndez e remate de Juanma que se vai fóra por pouco. O Albacete vai meter catro trocos dunha tacada.
Remate alto do capitán local Riki. Idiakez mete no partido a Christian Herrera e Mario Soriano por Yeremay e Barbero.
1-4 GOOOOL DE CRISTIAN HERRERA. Deixada de Mella e Herrera, que acababa de entrar, marca sen porteiro.
2-4 GOL DO ALBACETE. Barullo na área deportivista e Fidel acaba recortando diferenzas. O Albacete quere agarrarse ao partido.
2-5 GOOOOOOOL DE MELLA. Borracheira de goles. Agora é Mella o que se vai á contra en solitario e marca o segundo da súa conta.
Debuta como deportivista Charlie Patiño
Cabezada de Higinio rozando o pau
Outra de Higinio, que remata libre de marcaxe, pero xusto onde estaba Helton
Remata o partido no Belmonte. O Deportivo espanta as pantasmas deste inicio de temporada cunha goleada liderada polos canteiráns Mella e Yeremay.
