Íker Hurtado: "Fomos superiores e merecemos gañar"

Foi a gran sorpresa na Terceira Galega. O Viveiro recibía o Arousa tras caer goleado ante o Fabril. O rival non semellaba o máis axeitado, pero os da mariña deron remontado o tanto inicial dos arousáns e sumaron tres puntos que os sacan do descenso. O autor do gol do empate foi Íker Hurtado.

"Viñamos dun partido moi malo en Abegondo; meten gol moi cedo, e aínda así conseguimos empatar e darlle a volta ao resultado. Fomos superiores, eles non crearon moitas ocasións e creo que merecemos gañar. O meu gol era xogada ensaiada. Hoxe o equipo estivo moi ben. Fixemos o que adestramos pola semana".