Mbappe marca, pero o que decide é Rudiger
Mbappe marca, pero o que decide é Rudiger
O Real Madrid pasouno mal para gañarlle ao Stuttgart (3-1) grazas a unha cabezada do central no minuto 83
O Real Madrid pasouno moi mal na estrea da nova Liga de Campións ante o Stuttgart, pero, como é habitual, acabou conseguindo o triunfo (3-1). Mbappe marcou, pero o que decidiu foi Antonio Rudiger cun tanto a sete minutos do noventa.
O primeiro tempo dos brancos resultou calamitoso. O Stuttgart gozou de innumerables ocasións para marcar e só a inspiración de Courtois evitou un resultado negativo ao descanso. Pero á volta do vestiario apareceu Mbappe, que aos 20 segundos xa tiña marcado o seu primeiro gol europeo co Real Madrid.
20 segundos de la segunda mitad.
— Fútbol en Movistar Plus+ (@MovistarFutbol) September 17, 2024
Primer gol de Mbappé en #UCL con el Real Madrid ✨. #LaCasaDelFútbol pic.twitter.com/pFPakLzKj5
O nivel de xogo non mellorou e o Stuttgart conseguiu empatar nunha xogada de córner transformada por Undav. Nesta Champions na que hai que sumar o maior número de puntos posibles non se podían permitir un tropezo os de Ancelotti e chegou o momento de Rudiger, que rematou un córner no 83. Os alemáns botáronse arriba e iso aproveitouno Endrick no último segundo do partido para marcar cun gran lanzamento desde a frontal.
