Nacho Sánchez, primeira fichaxe do Rácing no regreso á Segunda A

A primeira fichaxe do Rácing de Ferrol no regreso á Segunda A xa é un feito. Nacho Sánchez (As Palmas de Gran Canaria, 29 anos) incorpórase á disciplina do cadro departamental para reforzar a dianteira. 

Sánchez pasou polas canteiras do Logroñés e do Numancia, equipo co que debutou en 2015 na categoría de prata do fútbol español, un equipo onde se mantivo ata o 2020. 

Trátase dun xogador que pode actuar na banda ou na media punta e que a temporada pasada acreditou uns números extraordinarios co Real Unión. Marcou 13 goles en Primeira Federación e dous diante do Cádiz na eliminatoria de Copa que conseguiron superar.