O Celta Fortuna perde a vantaxe nos últimos dez minutos (3-2)

O Celta Fortuna entrou nos últimos dez minutos por diante no marcador no campo do Real Unión de Irún pero non soubo manter a vantaxe e acabou perdendo por 3-2. Foi superior o equipo de Fredi Álvarez no primeiro tempo e conseguiu adiantarse cun penalti marcado por Jordi Escobar no 55. 

Igualou Aranzabe para os vascos dez minutos despois pero volveu adiantarse o Fortuna cun tanto do mexicano Emi Rodríguez, na súa primeira titularidade da temporada. Gañaba o cadro vigués no 82 cando Sergio Benito igualou e no 85 o ex-xogador do Deportivo Berto Cayarga asinaba o tanto definitivo do partido.