O Celta prescinde dos servizos de Luís Campos como asesor deportivo

O Celta anunciou nun comunicado que prescinde dos servizos de Luis Campos como asesor deportivo. O portugués levaba dirixindo a planificación deportiva do club desde marzo de 2022, pero sen estar presente no día a día.

Na súa primeira comparecencia como presidenta, Marián Mouriño xa afirmara que estaban a reconsiderar a planificación deportiva do club, e que a súa idea era que fose levada por unha persoa que estivese máis presente en Vigo.

Despois de anunciar o acordo para a súa desvinculación, o Celta anuncia que asinará proximamente un novo director de fútbol.

🔔 El RC Celta y Luis Campos separan sus caminos.

— RC Celta (@RCCelta) December 23, 2023