O Celta regresou ao traballo coa vista posta na viaxe ao Algarve

Rematou a viaxe ao Vaticano e o Celta púxose mans á obra para afrontar a segunda semana de preparación. O martes houbo unha única sesión de adestramento pero a partir do mércores volverán as dobres sesións con moito traballo físico. 

O sábado os xogadores terán descanso e porán rumbo ao Algarve onde afrontarán a segunda fase da preparación. O domingo aproveitarán para adestrar antes de xogar o primeiro amigable da pretemporada diante do Al Nassr de Cristiano Ronaldo. Nese tempo no sur de Portugal tamén aproveitarán para xogar diante do Benfica, actual campión da Liga Portuguesa.